Aðalfundur foreldrafélags Holtaskóla

Aðalfundur foreldrafélags Holtaskóla var haldinn þann 26. september 2024 í nýrri álmu Holtaskóla. Þar var lögð fram skýrsla stjórnar, reikningar lagðir fram og ný stjórn kosin. Bjarney Rut Jensdóttir gaf áfram kost á sér sem formaður. Nýir inn í stjórn koma Einar Hallsson (gjaldkeri), Sigrún Gyða Matthíasdóttir og Jenný Þórkatla Magnúsdóttir. Aníta Rós Sigurðardóttir gaf kost á sér til áframhaldandi stjórnarsetu. Nokkur mál voru rædd undir dagskrárliðnum önnur mál og má þar helst nefna mikilvægi þess að hjúkrunarfræðingur sé með fasta viðveru í skólanum, snjalltækjanotkun á skólatíma, foreldrasáttmáli, fræðsla til foreldra um ákveðin málefni og að virkja árgangafulltrúa betur. Með því má auka styrkinn sem býr í samstöðu foreldra til að hlúa að vellíðan allra barna.

Fundargerð fundarins má finna hér. 

Upplýsingar um foreldrafélag Holtaskóla má finna hér.