Frístundaheimili grunnskólanna fyrir tilvonandi 1. bekkinga (börn fædd 2017) opna frá 9. ágúst til skólasetningar. Markmiðin með þessari opnun eru m.a. að brúa bilið milli leik- og grunnskólagöngu nemenda, að aðlögun nýrra leikskólabarna geti farið fram fyrr en hefur verið og að aðlaga tilvonandi 1. bekkinga í grunnskólann sinn.

Skráning er hafin og fer fram í gegnum www.mittreykjanes.is og er skráning fyrir þetta tímabil ótengd skráningu fyrir frístundaheimilin eftir að skólastarf hefst. Gert er ráð fyrir því að foreldrar séu búnir að skrá börnin sín fyrir 20. maí.

Opnunartíminn verður frá 9:00 – 15:00. Börnin fá hádegismat og síðdegisnesti en taka með nesti til að borða fyrir hádegi. Þetta fyrirkomulag líkir sem mest eftir hefðbundnu skipulagi skóladagsins.

*15. ágúst verða frístundaheimilin opin frá 10:00 – 15:00 þar sem starfsmannafundur er í upphafi dags.

*21. ágúst lokar frístundaheimili Holtaskóla kl. 12:30 vegna námskeiðs starfsfólks.

ATH! Foreldrar með systkin á leikskólum eða hjá dagforeldrum eru beðnir um að setja inn upplýsingar um systkin vegna fjölskylduafsláttar í reitinn annað.

Frístundaheimili Holtaskóla

Gjaldskrá fyrir tímabilið 9. - 22. ágúst 2023 er, fyrir 10 daga frá kl. 09:00-15:00 samtals 20.627.- þar af er hádegismatur og síðdegisnesti samtals 7.010.-  Fjölskylduafsláttur (gildir eingöngu af tímagjaldinu 13.617.-) gildir milli skólastiga, þ.e. dagforeldra, leikskóla og frístundaskóla.