Mennta- og barnamálaráðherra heimsækir Holtaskóla

Á fimmtudaginn fékk Holtaskóli góða heimsókn frá Ástu Lóu Þórsdóttur, Mennta- og barnamálaráðherra. Hún heimsótti skólann á för sinni um Reykjanesið í tilefni af kjördæmaviku. Ásta Lóa skoðaði bæði húsnæði skólans á Malarvelli, nýuppgerðan hluta Holtaskóla og framkvæmdarsvæði skólans. Hún kynnti sér leiðarljós skólans og hvernig við notum PBS og leiðsagnarnám í skólastarfinu. Nemendum fannst afar gaman að hitta ráðherra sem gaf sér tíma til þess að ræða við þá og fá þeirra álit á skólastarfinu. 

Við í Holtaskóla þökkum ráðherra kærlega fyrir heimsóknina og hlökkum til að geta boðið Ástu Lóu í heimsókn síðar þegar framkvæmdum er lokið í skólanum og sjá það fyrirmyndar skólaumhverfi sem Holtaskóli mun bjóða upp á.