Næstu dagar og Litlu jólin í Holtaskóla

Kæru foreldrar/forráðamenn

Nú styttist óðum í jólaleyfi og sjálf jólahátíðin handan við hornið. Við viljum minna ykkur á nokkur mikilvæg atriði sem framundan eru næstu daga.

Miðvikudagurinn 18. desember

• Allir nemendur eiga að hafa skilað inn jólapakka til umsjónarkennara, en ákveðið var af lýðræðisráði skólans að halda í þessa jólahefð.
• 5. bekkur sýnir helgileik á sal fyrir yngsta stig kl. 9.55 og miðstig kl. 10.35. Vegna plássleysis eru foreldrar/forráðamenn 5. bekkinga hvattir til að mæta á seinni sýninguna.

Fimmtudaginn 19. desember

• Frjálst nesti

Föstudagurinn 20. desember – Litlu jólin

Litlu jólin verða með öðru sniði þetta árið og mæta foreldrar ekki með nemendum heldur munu bekkirnir eiga rólega stund saman með kennurum sínum.

• Kl. 9.00 – yngsta stig mætir í sína heimastofu. Leyfilegt er að hafa með sér smákökur og drykk. Dagskrá er lokið kl. 10.00 og fara nemendur heim í jólaleyfi að því loknu.

• Kl. 10.00 – Bekkir á miðstigi mæta í sínar heimastofur og nemendur á unglingastigi mætir á sal. Leyfilegt er að hafa með sér smákökur og drykk. Dagskrá er lokið kl. 11.00 og fara nemendur heim í jólaleyfi að því loknu.

3. janúar

• Skóli hefst aftur samkvæmt stundaskrá.

Við í Holtaskóla óskum öllum gleðilegra jóla, farsæls nýs árs og við vonum að allir munu njóta samverunnar um hátíðina.

Hátíðarkveðja,

Starfsfólk Holtaskóla